Siglir tar il cuntegn
Inhalt

Exteriur Smanatscha da bumbas: Dus aviuns han stuì sa tschentar

En ils Stadis Unids da l’America èn dus aviuns da la societad aviatica Air France vegnids sviads pervi d'ina smanatscha da bumbas anonima. In aviun saja partì da Los Angeles e vegnì svià a Salt Lake Citiy sin sia via a Paris sco mesira da precauziun, communitgescha Air France.

In dals aviuns da l’Air France ch’ha stuì sa tschentar a Salt Lake City.
Legenda: In dals aviuns da l’Air France ch’ha stuì sa tschentar a Salt Lake City. Keystone

In segund aviun cun 298 persunas a bord era partì da Washington per Paris. Ha però gia stuì atterrar a Halifax. Omadus aviuns sajan sa tschentads ed ils passagiers hajan pudì sortir sauns e salvs. Tant a Halifax sco er a Salt Lake City en ils aviuns vegnids intercurids dal FBI.

RR novitads 06:00