Siglir tar il cuntegn

Header

Navigaziun

Forzas armadas e polizia da la Slovenia al cunfin cun la Croazia.
Legenda: Forzas armadas e polizia da la Slovenia al cunfin cun la Croazia. Keystone
cuntegn

Exteriur Slovenia vul engaschar l'armada al cunfin

La Slovenia vul engaschar il militar en stil grond als cunfins. Quai en vista als millis da fugitivs ch'èn arrivads quest'emna en il pajais. Suenter ina sesida da crisa ha la regenza approvà in sboz da lescha per mauns dal parlament, rapportan medias localas.

L’armada duaja sustegnair la polizia tar lur lavur. Malgrà ch'il pajais da l'UE possia prender si, registrar e trametter vinavant en l'Austria be 2’500 fugitivs per di, sajan quai sulet ier stà 8’000, communitgescha la regenza.

10'000 persunas èn bloccadas sin ruta dal Balcan

Pervi da la bloccada dal cunfin ungarais è la Slovenia daventada in passadi stretg sin la ruta vers l’Austria e la Germania. Tenor stimaziuns da l’organisaziun per l’agid da fugitivs da l’ONU UNHCR èn dapli che 10’000 persunas bloccadas sin la ruta dal Balcan.

RR novitads 12:00