La Slovachia va avant il tribunal europeic pervi da la repartiziun da fugitivs che l'UE ha concludì. Quai ha il prim-minister slovac Robert Fico confermà envers las medias.
Ils ministers da l'intern da l'UE avevan concludì il settember da reparter 120milli requirents d'asil en l'Europa, quai en ina decisiun da maioritad cunter la veglia da la Slovachia, la Tschechîa, l'Ungaria e la Rumenia. Gia lura aveva Fico crititgà questa decisiun sco dictat e ditg ch'el na vegnia betg a sa tegnair vidlonder. Er l'Ungaria ha annunzià pass giuridics en chaussa.
RR novitads 15:00
