Siglir tar il cuntegn

Header

cuntegn

Exteriur Situaziun tendida en champ da fugitivs ad Idomeni

En il lieu da cunfin grec Idomeni è la situaziun puspè tendida. Policists macedons han fatg diever da gas lacrimogen cunter tschients da fugitivs. Tenor la gasetta d’Athen «Kathimerini» sajan er granatas tschorventantas vegnidas duvradas, rapporta l’agentura da novitads SDA.

Las persunas cun basegn da protecziun han para empruvà da surmuntar las barrieras datiers dal passagi dal cunfin ad Idomeni, rapporta la polizia grecca. Sinaquai hajan las autoritads da la vart macedona fatg diever da gas lacrimogen.

Figls sgulants sco impuls

La raschun sajan novs figls sgulants ch'intimeschian ils fugitivs da s'inscuntrar oz avantmezdi al cunfin per marschar en la Macedonia, uschia in emettur da radio grec.

Gia avant in mais eran radund 2’000 fugitivs suandads l'appel da figls sgulants sumegliants.Fugitivs ch'avevan cuntanschì la Macedonia aveva la polizia puspè tramess enavos. En il champ da fugitivs ad Idomeni vivan passa 11’000 persunas.

RR novitads 09:00 / 14:00

Artitgels legids il pli savens