«Situaziun sin la Mar mediterrana è anc adina tendida»

Millis fugitivs arrivan via la Grezia, la Tirchia en ils pajais dal Balcan en l’Europa dal vest. Las medias rapportan mintgadi davart quai fatg.

Jürg Martin Gabriel, professur emerità da l'ETH Turitg.

Legenda da maletgs: Jürg Martin Gabriel, professur emerità da l'ETH Turitg. RTR, P. Bundi

Tge che giaja dentant en emblidanza saja che ulteriurs millis vegnan vinavant sur la Mar mediterrana centrala en Europa, uschia il professer emerità da l’ETH Turitg Jürg Martin Gabriel.

«  Sco schurnalist èsi pli simpel dad ir sin ina pitschna insla greca per filmar maletgs dramatics. »

Jürg Martin Gabriel
professur emerità da l'ETH Turitg

Sco schurnalist saja pli simpel dad ir sin ina pitschna insla greca per filmar maletgs dramatics, che dad ir a Lampedusa sin in dals numerus ports e sperar ch’ina bartga arriva. Ma che las medias emblidian la Mar mediterrana centrala na muntia betg ch’i nadettia nagin agid là, uschia Jürg Martin Gabriel.

Tranter auter è la missiun da l’UE «Triton» en acziun, sper quai en er blers bastiments privats u da martganzia avant la costa da la Libia per pigliar giu las bartgas da fugitiv e per uschia evitar ulteriuras catastrofas cun bartgas che fan naufragi e millis da morts.