Tenor indicaziuns da la Corea dal sid, vegnia la regenza da la Corea dal Nord ad exprimer il displaschair sur da l’explosiun da minas en la regiun da cunfin, e la Corea dal Sid vegnia a smetter d’emetter propaganda sur autpledaders al cunfin.
La Corea dal nord aveva mess sias truppas da cunfin en stadi d’urgenza e smanatschà cun attatgas militaras, sche la Corea dal sid na smettia betg cun la propaganda sur ils autpledaders al cunfin.
Reacziun da Ban Ki Moon
Il secretari general da las Naziuns Unidas Ban Ki Moon beneventa, che la dispita tranter la Corea dal nord e la Corea dal sid para d’esser il mument giud maisa. Cunzunt beneventa Ban, ch’ils 2 pajas sajan sa declerads pronts da manar regularmain in dialog. Tenor Ban saja quai la basa per evitar en futur ils conflicts en la regiun, era speria el ch’ils discurs sur da las armas atomaras vegnian reprendids.
RR Novitads 06:00