Sistem presidenzial dad Erdogan vegn pli e pli probabel

Ina cumissiun dal parlament tirc ha approvà la refurma constituziunala correspundenta. Quella è uschia pronta per la votaziun en il plenum.

Purtret dad Erdogan.

Legenda da maletgs: Proximamain ha il parlament da decider davart la refurma dad Erdogan. Keystone

La refurma constituziunala è ussa pronta per la votaziun en il plenum dal parlament tirc. 330 da las 550 vuschs en il parlament dovri per che la refurma vegnia approvada.

L'opposiziun tirca sa dosta però vinavant cun tutta vehemenza cunter in sistem presidenzial. In tal sistem augmentass a moda massiva la pussanza dal president. La refurma planisada prevesa tranter auter ch'il president da stadi fiss da medem temp era schef da regenza.