Siglir tar il cuntegn

Exteriur Siria: Trump e May vulan coordinar proxims pass

Sin l'attaga cun armas chemicas dal militar siric saja da reagir. Ina opziun saja in'attatga militara.

Ina foto da Theresa May.
Legenda: Theresa May e Donald Trump vulan coordinar ils proxims pass. Keystone

Suenter l'attatga probabla cun gas toxic en la citad sirica Duma, han las regenzas dal vest discutà davart consequenzas pussaivlas. Il president american Donald Trump e la primministra da la Gronda Britannia Theresa May èn d'accord ch'i dovra ina resposta sin las attatgas cun armas chemicas dal militar siric. In ulteriur diever d'armas chemicas vulan ils dus schefs da stadi en mintga cas evitar. Perencletg èn May e Trump da coordinar lur proxims pass.

Attatga militara vegn en dumonda

Ina attatga militara sin la Siria vegnia en dumonda per omadus, uschia lur pledaders. Avant aveva er il president franzos Emmanuel Macron ditg, ch'ina attatga saja ina opziun. Tenor el dettia indizis che la regenza siriana haja duvrà gas toxics. L'ambassadur russ ha avertì ils pajais dal vest d'ina attatga militara. La Russia è alliada cun la regenza siriana. La chanceliera federala tudestga Angela Merkel aveva bain era puntuà ch'i dovria in segn encunter il diever d'armas chemicas, che la Germania na vegnia però betg a sa participar ad attatgas militaras.

RR novitads 07:00