Siglir tar il cuntegn

Exteriur Siria: Stadi islamic perda citad Manbidsch

Las truppas curdas han reconquistà la citad en il nord dal pajais. Quella è d'impurtanza strategica per l'organisaziun terroristica.

Ruinas.
Legenda: Citads sco Aleppo e Manbidsch en il nord da la Siria èn per gronda part devastadas. Keystone

En la Siria è l'allianza militara che vegn sustegnida dals Stadis Unids sin buna via da reconquistar la citad da Mabidsch – il center da la milissa terroristica Stadi islamic . Las forzas democraticas da la Siria hajan quasi surpiglia la controlla absoluta da la citad. Quai rapporta il post d'observaziun per dretgs umans che stat datiers a l'opposiziun siriana.

Tenor l'agentura da novitads Reuters durian ils cumbats anc. Experts manegian che la crudada da Manbidsch fissia ina da las pli grevas terradas strategicas dal SI dapi bun in onn.

L'allianza che cumbatta l’organisaziun terroristica en la Siria consista cunzunt da cumbattants curds ed arabs.

RR novitads 12:00