Siglir tar il cuntegn

Exteriur Siria: SI duai avair rapinà 2’000 persunas

L’organisaziun terroristica Stadi islamic para d’avair rapinà radund 2’000 persunas en la citad siriana da Manbidsch. Quai han declerà ils cumbattants da la gruppa «Forzas democraticas sirianas».

Cumbattanta da las «Forzas democraticas sirianas» èn la citad da Munbidsch.
Legenda: Cumbattanta da las «Forzas democraticas sirianas» èn la citad da Manbidsch. Reuters

Suenter pliras emnas da cumbat è l’organisaziun terroristica Stadi islamic sa retratga or da la citad Manbidsch en il nord da la Siria. Tenor la gruppa da rebels «Forzas democraticas sirianas» ch’han deliberà la citad, hajan ils cumbattants dal SI prendì ostagi bundant 2’000 persunas. Cun bundant 500 autos sajan els scappads en direcziun nord.

Confermà quai ha il post d’observaziun sirian per ils dretgs umans cun sedia a Londra. L’emna passada avevan ils rebels chatschà davent ina gronda part dals cumbattants da l’organisaziun terroristica ord la citad Manbidsch.

RR novitads 20:00