Siria: Pausa da cumbat

Per la citad dad Aleppo vala dapi mesemna notg ina pausa da cumbat da 48 uras.

Citad bumbardada.

Legenda da maletgs: Per 48 uras duain las armas tascher ad Aleppo. Keystone

En la Siria èn las partidas da conflict sa cunvegnidas sin ina pausa da cumbat per la citad dad Aleppo. Quai communitgescha il ministeri da defensiun da la Russia. La pausa da cumbat haja cumenzà la notg da las indesch, temp svizzer.

La pausa da cumbat duai valair per 48 uras. La finamira è da franar la violenza cun armas e da stabilisar la situaziun en la citad devastada.

Gia la fin da favrer eran las partidas da conflict sa cunvegnidas sin ina pausa da cumbat. Questa è dentant vegnida rutta repetidamain, gist er en la citad dad Aleppo.

RR novitads 06:00