Siria: Opposiziun vul s'inscuntrar cun Assad

En il conflict da la Siria duai dar l'entschatta schaner in inscunter tranter represchentants da l'opposiziun e la regenza dal president Baschar al-Assad. Quai han decidì gruppas d'opposiziun sirianas suenter ina conferenza da dus dis a Riad, la chapitala da l'Arabia Saudita.

Il president da la Siria Baschar al-Assad

Legenda da maletgs: Il president da la Siria Baschar al-Assad Keystone

Las gruppas èn sa cunvegnidas a puncts impurtants. La finamira principala è anc adina che al-Assad stoppia ir. Durant las contractivas saja el anc acceptà, suenter cura ch'i giaja per ina regenza transitorica stoppia el dentant sa retrair, uschia statti scrit en la decleranza finala da las gruppas d'opposiziun.

RR novitads 06:00