Siglir tar il cuntegn

Exteriur Siria: Novs cumbats cunter la regenza

Gruppas da rebels han proclamà ina nova battaglia cunter las truppas da la regenza perquai che l'armada violeschia la pausa da cumbat.

um che porta in tarpun perlung da chasas destruidas
Legenda: Tras la proclamaziun per ina nova battaglia cunter las truppas da la regenza è l'armistizi actual periclità. Keystone

Ins vegnia a reagir cun violenza cunter las unitads da l'armada che ageschia cunter civilists, hai gì num en ina decleraziun. Signà la decleraziun per ina nova battaglia cunter la regenza ha er la gruppa da rebels Dschaisch al-Islam. Il manader da questa gruppa, Mohammed Allusch, maina er la delegaziun da l'opposiziun che fa part als discurs da pasch che han lieu actualmain a Genevra.

Interrumper discurs da pasch a Genevra

La gruppa ha annunzià via facebook d'interrumper ils discurs da pasch ord protest che la pausa da cumbat vegnia adina puspè rutta e ch'i na dettia nagin svilup en il provediment da la populaziun che pateschia. La decisiun na muntia dentant betg ch'els sa retirian dals discurs.
En Siria vala dapi il favrer ina pausa da cumbat.

RR novitads 06:00