Siria – nagina cunvegna per pausa da cumbat

Las tractativas da pasch tranter ils Stadis Unids e la Russia han fatg naufragi. Quai scriva l’agentura da novitads svizra sda tenor infurmaziuns dad in diplomat american.

Kerry chamina tras la glieud,

Legenda da maletgs: Il minister da l'exteriur John Kerry a l'inscunter suprem dals G20 a Hunagzhou en la China. Keystone

Ils ministers da l’exteriur John Kerry e Sergej Lawrow paran pia da betg n’avair chattà il glindesdi in consens nov per ina pausa da cumbat. Els avevan tractà a l’ur da l’inscunter suprem dals G20 per chattar ina via per finir cun la violenza en la guerra civila siriana. En quella cumbattan rebels sustegnids dals Stadis Unids encunter il reschim sirian che vegn sustegnì da la Russia.

Anc ier dumengia avevan observaturs a l’ur da l’inscunter suprem dals G20 en la China discurrì da moviments en ils discurs per la Siria. L’intent era da chattar ina via per finir cun la violenza en la guerra civila siriana.

RR novitads 07:00