Siria: Na ad ina nova pausa da cumbat

Ils Stadis Unids e la Russia n'han betg pudì sa cunvegnir da tschessar las armas en Siria. Quai ha declerà il minister da l'exteriur american John Kerry.

Ils ministers da l'exteriur Sergej Lawrow (sanester) e John Kerry.

Legenda da maletgs: Ils ministers da l'exteriur Sergej Lawrow (sanester) e John Kerry. Keystone

L'inscunter da la gruppaziun internaziunala per il sustegn da la Siria che s'inscuntrada a l'ur da la radunanza plenara da l'ONU a New York n'ha betg purtà il resultat giavischà. L'incumbensà spezial per la Siria, Staffan de Mistura ha discurrì d'in inscunter grev e dischillusiunant. Tuttina hajan ils Stadis Unids e la Russia empermess da tschertgar vinavant ina soluziun.
La pausa da cumbat precedenta ch'ils dus pajais avevan negozià, ha fatg naufragi suenter in'emna.

RR novitads 6:00