Siglir tar il cuntegn
cuntegn

Exteriur Siria: In zic normalitad per uffants da scola

Grazia ad ina cunvegna tranter las truppas da la regenza ed intermediaturs locals han plirs scolars pudì far lur examens finals.

Uffants en scola.
Legenda: Uffants sirians durant l'instrucziun en scola. Keystone

En la Siria han tschients dad uffants pudì bandunar lieus che vegnan occupads da rebels per far lur examens finals. Silsuenter sajan ils uffants puspè turnads en ils lieus da cumbat. Quai rapporta il post d’observaziun sirian per ils dretgs umans cun sedia a Londra.

Dals uffants sa tractia tranter auter da radund 400 scolars da la novavla classa dad in lieu datiers da la chapitala Damascus. Pussibilità quest’acziun haja ina cunvegna tranter represchentants da la regenza ed intermediaturs locals.

RR novitads 08:00