Siglir tar il cuntegn
cuntegn

Exteriur Siria: EU vul schliaziun sin via diplomatica

La mesemna duain ils experts da l'organisaziun per scumond d'armas chemicas pudair examinar a Duma, il lieu da las probablas attatgas cun gas toxics.

Federica Mogherini, l'incumbensada da l'exteriur da l'UE.
Legenda: Federica Mogherini, l'incumbensada da l'exteriur da l'UE. Keystone

Ils pajais da l’UE vulan in nov cumenzament per ils discurs da pasch a la conferenza davart la Siria da l’emna che vegn a Brüssel. Quai tenor Federica Mogherini, l’incumbensada da l’exteriur da l’UE. L’emprim era l’agid umanitar per la populaziun civila en Siria il tema principal da la conferenza. Suenter ils ultims svilups vegnia surtut era discutà, co ch’il conflict pudess vegnir schlià sin via diplomatica, uschia Mogherini.

La Gronda Britannia e la Frantscha avevan ensemen cun ils Stadis Unids la notg sin sonda attatgà miras en Siria. Quai sco vendetga per la probabla attatga cun gas toxic a Duma. Entant ha la Russia lubì als experts da l’organisaziun per il scumond d’armas chemicas – OPCW – dad ir mesemna a Duma ed examinar il cas. L'organisaziun spetga dapi sonda sin questa lubientscha.

RR novitads 06:00