Siria: Er opposiziun per armistizi

Suenter la regenza siriana ha era la pli impurtanta gruppa da l'opposiziun signalisà da vulair acceptar ina pausa da cumbat.

Gruppa da rebels armada en la Siria.

Legenda da maletgs: Era ina part dals rebels paran dad esser per in armistizi en la Siria. Keystone

L'autcomité da contractivas ha declerà ch'el saja avert envers l'idea d'in armistizi per duas emnas. Uschia possia vegnir examinà, sche la cuntrapartida saja seriusamain interessada vid ina fin dals cumbats, scriva l'autcomité.

Avant ha era la milissa curda YPG annunzià da vulair sa tegnair vid il plan ch'ils Stadis Unids e la Russia han elavurà. Lez prevesa che las armas taschan davent la notg sin dumengia. Cumbats cunter las milissas terroristicas SI u Al-Nusra èn dentant lubidas.

RR novitads 06:00