Siglir tar il cuntegn
Inhalt

Exteriur Siria: Attatga gronda da milissa curda

En il nordost da la Siria, en la citad Hasaka, ha la milissa curda YPG cumenzà in' attatga gronda sin las truppas dal reschim sirian. Uschia vul la milissa prender sut controlla cumplettamain la citad. Els hajan appellà a la schuldada da la regenza da capitular, han communitgà ils rebels curds.

in um sajetta cun ina arma automatica
Legenda: Cumbattants curds attatgan las truppas dal reschim. (maletg simbolic) Keystone

Tenor ils cumbattants ed abitants haja l'offensiva cumenzà da mesanotg. Ella sa drizzia envers las truppas da Baschar al-Assad en la part da la citad Naschawa. Curt avant aveva l'armada siriana annunzià ina pausa da cumbat per Hasaka, els hajan chattà ina cunvegna cun milissas curdas.

Dapi la mesemna cumbattan ils Curds e l'armada siriana per la controlla da la citad.

RR novitads 10:00