Siglir tar il cuntegn

Header

cuntegn

Exteriur Sin l’insla grecca Lesbos ha ì dà excess

En il champ da recepir fugitivs Moria sin l'insla grecca Lesbos hai dà excess da pliras uras tranter fugitivs e policists. Ils fugitivs han protestà cunter ina eventuala expulsiun a la Tirchia sco era cunter las nauschas cundiziuns da viver.

Almain 10 persunas sajan vegnidas blessadas levamain, ha rapportà il radio statal grec. Tenor questa indicaziuns hajan las forzas da segirtad pir baud la damaun pudì procurar per ruaus en il champ da fugitivs.

L'atmosfera saja explosiva, rapportan schurnalists avant lieu. Ils demonstrants han tranter auter bittà buttiglias ed ulteriur urden sin il minister da migraziun grec Ioannis Mouzalas. Cura ch’insaquantas persunas hajan empruvà da rumper ora ed hajan era bittà crappa, hajan las forzas da segirtad duvrà gas lacrimogen, rapportan ils schurnalist avant lieu.

RR novitads 12:00

Artitgels legids il pli savens