Siglir tar il cuntegn
Inhalt

Exteriur Simbabwe sa legra che Mugabe va

Il president Robert Mugabe è sa retratg il mardi. Quai ha l’um da 93 onns scrit en ina brev. Var 40 onns è el stà a la pussanza dal pajais african.

Glieud plain legria
Legenda: Gronda legria avant il parlament dal Simbabwe. Keystone

Communitgà la retratga ha il president dal parlament da Zimbabwe Jacob Mudenda. El ha legì avant la brev als deputads ch’eran vi da discutar ina procedura per allontanar Mugabe da la pussanza. La novitad ha procurà en il parlament e sin las vias per allegria.

L'emna passada aveva l’armada fatg in putsch, e dapi lura è Robert Mugabe en las stretgas. Tgi che surpiglia uss la responsabladad per il pajais cun 14 milliuns abitants, n’è il mument betg cler. Tenor il president dal parlament ston ins anc sclerir dumondas giuridicas. Finamira saja d’avair in successur en uffizi fin mesemna saira, ha ditg Jacob Mudenda.

RR novitads 17:00