Siglir tar il cuntegn
Inhalt

Exteriur Signal positiv da la regenza siriana

La regenza siriana è d’accord da sa participar a discurs da pasch cun l’opposiziun per terminar la guerra civila.

Il minister sirian Walid Muallem cun ses collega d’uffizi chinais Wang Yi.
Legenda: Il minister sirian Walid Muallem cun ses collega d’uffizi chinais Wang Yi. Reuters

La Siria saja pronta da sa participar al dialog intern sirian, senza che l’exteriur sa maschaidia. Quai ha ditg il minister da l'exteriur sirian Walid Muallem suenter in inscunter cun il minister da l'exteriur chinais Wang Yi a Peking. Ils discurs duain cumenzar la fin da schaner a Genevra.

Il Cussegl da segirtad da l'ONU aveva approvà l'emna passada unanimamain ina resoluziun davart in pussaivel plan da pasch. Tenor quel pudessan las armas en la Siria taschair, uschè spert che la regenza e l’opposiziun cumenzan cun contractivas. Ed entaifer 18 mais duain suandar elecziuns.

RR Novitads 09:00