Sco Sigmar Gabriel ha communitgà sez, haja el infurmà la direcziun da la SPD davart quella decisiun. El restia vinavant deputà dal «Bundestag», scriva el vinavant. Il temp ch'el haja ademplì incumbensas directivas tar la SPD saja dentant uss a fin.
Dapi il december dal 2013 era Gabriel commember da la regenza e substitut da la chanceliera Angela Merkel.
Confermà las speculaziuns
Gia dapi ditg deva quai speculaziuns che Gabriel fetschia betg part da la nova regenza. Er pervia da critica envers l'anteriur schef da la SPD Martin Schulz n'ha el betg fatg be amis en l'atgna partida.
RR novitads 12:00