Siglir tar il cuntegn

Exteriur Sierra Leone: Nov cas d’Ebola

En l'ost da Sierra Leone è puspè cumprovà in cas da Ebola. Quai suenter plirs mais cun naginas infecziuns novas.

Persuna mascrada avant in'ambulanza
Legenda: Nov cas d'Ebola Il virus saja vegnì diagnostitgà tar in pop mort da 9 mais. Keystone

Il virus saja vegnì diagnostitgà tar in pop mort da 9 mais, quai han declerà represchentants uffizials. Ils geniturs sajan sauns. La regiun è stada en il center da la pli giuvna epidemia d'Ebola.

La regiun valeva sco libra dal virus

Ils ultims 4 mais valeva la regiun sco libra dal virus. La stad passada devi fin ad 80 infecziuns per emna en quella regiun. Encunter la fin da l’onn è il dumber d’infecziuns novas sa reducì sin nulla.

En il pajais african èn fin ussa mortas 3'800 persunas pervi d'Ebola. Era la Liberia ha annunzià in emprim cas dapi emnas. Là eran passa 10’300 persunas daventadas l’unfrenda dad Ebola.

RR novitads 10:00