La capsla spaziala «Crew Dragon» ha cuntanschì sia finamira e sbartgà la dumengia a la staziun internaziunala ISS. Quai han communitgà l’agenzia astronautica americana NASA e l’interpresa astronautica privata SpaceX.
Ils astronauts han entant bandunà lur capsla ed han fatg il pass en la ISS. Là vegnan els a restar per intginas emnas. Igl è l’emprima giada dapi nov onns che astronauts èn partids davent dals Stadis Unids en direcziun da la ISS. Quai cun agid da l'interpresa SpaceX. Dapi la fin dals sgols dal space-shuttle èn ils Stadis Unids adina stads dependents da las capslas russas sojus per transportar astronauts sin la ISS.
