Sfrundrà avant 170 onns: «HMS Terror» è chattada

En l'Arctica han perscrutaders chattà ina da las navs las pli tschertgadas dal mund. E quai 170 onns suenter ch'ella è sfundrada. La nav è la «HMS Terror». Cun quella era l'exploratur britannic John Franklin partì vers l'Arctica l'onn 1845.

In maletg da sonar da la HMS Terror.

Legenda da maletgs: La «HMS Terror» schai al funs da la mar. Perscrutaders han pudi far in maletg da sonar da la nav. Keystone

Gia avant diesch dis han perscrutaders chattà la nav datiers da las inslas canadaisas da King-William. Il 2014 avevan els gia chattà la nav «Erebus» ch'era partida ensemen cun la «HMS Terror» a l'expediziun.

Il perscrutader John Franklin era en tschertga dad ina scursanida vers l'Asia. Ord quai motiv leva el passar la passascha dal nord-vest. Las duas navs èn dentant vegnidas fitgadas en il glatsch. Cura che nagin era vegnì da contactar la crew da las navs enfin il 1847 han Canada, Gronda Britannia ed ils Stadis Unids tramess equipas da salvamaent per chattar Franklin. Nagin commember da la crew ha dentant survivì l'expediziun.

RR novitads 10:00