Siglir tar il cuntegn
Inhalt

Exteriur Sesida d'urgenza dal Cussegl da segirezza da l'ONU

Ils Stadis Unids da l’America, il Giapun e la Corea dal Sid pretendan in inscunter extraordinari da las naziuns unidas per discutar sur dals tests da rachettas da la Corea dal Nord.

Purtret d'ina racheta sin in char.
Legenda: En la Cora dal nord datti adina puspe tests da rachetas. Keystone

In represchentant dals Stadis Unids ha ditg che l'inscunter da las Naziuns unidas duai gia esser oz suentermezdi. Suenter ils davos tests da rachetas da la Corea dal nord vulan ils Stadis Unids, il Giapun e la Corea dal sid quest inscunter extraordinari.

Ier aveva la Corea dal Nord confermà d’avair testa in'ulteriura racheta da mesa e lunga distanza che po vegnir armada cun armas nuclearas. Uschia sappia sappia l'armada lavurar pli precis e pli spert sin la terra sco era sut l'aua. La racheta sappia sgular enfin 4'000km. Kim Jong Un haja tenor medias statalas manà sez il start da la racheta al lieu.

Pjöngjang ha fatg quests test en in mument che l'emprim minister dal Giapun è en ils Stadis Unids per visitar il nov president. Quai saja ina demonstraziun da pussanza da la Corea dal nord. Il test na saja betg da tolerar. Ils Stadis Unids han declerà ch'els stettian 100% davos lur confederà, il Giapun.

Malgrà sancziuns internaziunalas ha la Corea dal Nord testà l’onn passà pliras rachettas.