Siglir tar il cuntegn

Header

cuntegn

Exteriur Servetschs secrets europeics cun plattafurma communabla

Ils servetschs secrets europeics vulan meglierar lur collavuraziun. Las attatgas sco per exempel en Frantscha hajan mussà che gruppaziuns sco la milissa da terror Stadi Islamic ubain Al Kaida opereschian sur raits internaziunalas.

Ils servetschs secrets europeics vulan crear en l'emprima mesadad da quest onn ina plattafurma per simplifitgar e render pli spert il barat d'infurmaziuns. Quai han il president dal Uffizi federal da defensiun da la constituziun tudestg ed il schef dal servetsch secret ollandais communitgà oz a Berlin.

La gruppa d'anti-terror CTG (Counter Terrorism Group) creescha questa plattafurma. La CTG era vegnida fundada sco consequenza da las attatgas dals 11 settember dal 2001. Ella è in'allianza informala da 30 servetschs secrets - tranter quels era il svizzer.

RR novitads 14:00

Artitgels legids il pli savens