Siglir tar il cuntegn

Header

cuntegn

Exteriur Servetsch secret tirc spiunescha ora Tircs en Germania

Tenor in rapport spiuneschia il servetsch secret tirc MIT ora tschients d’aderents probabels dal moviment Gülen en Germania. Il servetsch mainia ina glista cun tschients da nums da persunas che duajan sustegnair il predicatur Gülen.

Il servetsch secret tirc MIT spiuneschia en Germania tschients d’aderents probabels dal moviment Gülen e mainia ina glista cun datas da questas persunas. Quai rapporta la «Süddeutsche Zeitung» sa referind sin retschertgas cuminaivlas cun ils emetturs NDE e WDR.

Dasper passa 300 persunas singulas sa chattian era radund 200 uniuns, scolas ed autras instituziuns sin la glista. Il document cuntegnia adressas da mail, numers da telefon e per part er fotografias dals pertutgads. Tenor il rapport hajan plirs Bundesländer cumenzà ad avertir burgais tircs ch’èn sin la glista, pervia da las persecuziuns dal servetsch secret tirc MIT.

La Tirchia fa responsabel il predicatur Gülen per l’emprova da putsch da l’avust 2016.

RTR novitads 07:00

Artitgels legids il pli savens