Siglir tar il cuntegn
cuntegn

Exteriur Servetsch secret american è consternà

Il directur dals servetschs secrets americans, James Clapper, ha discussiunà cun il futur president Donald Trump ils rapports da medias davart infurmaziuns engrevgiantas dal servetsch secret russ. Clapper ha sincerà a Trump sia profunda consternaziun.

purtret da James Clapper, schef dal servetsch secret american
Legenda: James Clapper sco er Trump èn dal maini ch'ils rapports sajan donnegiants. Keystone

En il discurs cun Trump saja els stads unids, ch'ils rapports sajan zunt destructivs e privlus per la segirtad naziunala.

Medias americanas avevan rapportà, sa referind sin servetschs secrets americans, che la Russia possedia infurmaziuns engrevgiantas davart la vita privata e las finanzas da Trump. Quest material fetschia che Trump possia vegnir sut squitsch. La regenza russa renviescha quests rapports.

Clapper parta dal maini che las infurmaziuns da las medias na derivian betg da servetschs secrets americans. El haja infurmà Trump che quest document na sajan nagin product da servetschs secrets americans.

RR novitads 11:00