Siglir tar il cuntegn
Inhalt

Exteriur Serbia: Vucic daventa president

Il ferm um da la Serbia: Aleksandar Vucic, schef da regenza da la Serbia, daventa il nov president dal pajais.

Aleksandar Vucic.
Legenda: Aleksandar Vucic ha obtegnì dumengia 55% da las vusch. Keystone

Gia en l'emprim scrutini fa Aleksandar Vucic che ha 47 onns tut cler cun cuntanscher 55% da las vuschs. Quai suenter che duas terzas da las vuschs èn dumbradas. Sin plazza dus e tuttina lunsch enavos cun var 16% da las vuschs vegn Sasa Jankovic dal center sanester.

Però be 55% da las 6,7 milliuns persunas cun dretg d'eleger han prendì part a la votaziun.

Dal naziunalist tar il persvadent European

Vucic ha la confidenza da l'Uniun europeica e dals Stadis Unids da l'America perquai ch'el vala sco garant per la cooperaziun da las terras en discorida da l'Europa dal sidost. Aleksandar Vucic vul manar la Serbia en l'UE e tuttina mantegnair las relaziuns tradiziunalmain stretgas cun la Russia.

L'opposiziun aveva critisà, ch'il vest haja acceptà bleras strategias nundemocraticas. El ha cuntanschì che medias criticas han taschì ed el ha era influenzà la giustia en ses senn.

RR novitads 06:00