Siglir tar il cuntegn

Header

Navigaziun

Il schef da regenza serb Alexandar Vucic.
Legenda: Po festivar ina gronda victoria: Il schef da la regenza serba Alexandar Vucic. Keystone
cuntegn

Exteriur Serbia: Partida regenta gudogna las elecziuns parlamentaras

La partida dal schef da la regenza Alexandar Vucic ha cuntanschì ina clera maioritad absoluta.

En la Serbia ha la partida da la regenza (SNS) gudagnà las elecziuns parlamentaras anticipadas. Suenter che radund 80% da las vuschs èn dumbradas, vegn la partida dal schef da regenza da Aleksandar Vucic sin radund 50% da las vuschs ed uschia sin 145 dals 250 sezs en il parlament serb. Quai rapporta la gruppa da perscrutaziun electorala «Cesid» a Belgrad.

Vucic ha discurrì d’in grond sustegn per sia politica e d’ina victoria istorica. Sin il segund plaz suonda la partida socialista SPS cun stgars 12% da las vuschs e 33 mandats. La partida dals extrem naziunalists SRS daventa la terz ferma forza cun 8% da las vuschs e 22 mandats.

RR novitads 07:00