Siglir tar il cuntegn
cuntegn

Exteriur Serbia e Cosovo han reglà dispita giuridica

Grazia a la mediaziun da l'Uniun Europeica han la Serbia ed il Cosovo reglà ina dispita giuridica dad onns ed onns. En la citad Mitrovica vegn uss stgaffì ina dretgira cirquitala cun Serbs ed Albanais.

Bandiera Serbia Cosovo.
Legenda: Uss è era la minoritad serba en il Cosovo integrada en la dretgira cirquitala da Mitrovica. Reuters

Quai han communitgà las duas varts suenter pliras uras da negoziaziuns a Brüssel. Cunquai saja la minoritad serba integrada meglier en il stadi albanais.

L'integraziun dals Serbs en il Cosovo è ina cundiziun per discurs davart in'adesiun da la Serbia a l'UE.

RR novitads 12:00