Siglir tar il cuntegn
Inhalt

Exteriur Separatists gudognan maioritad absoluta

En la Catalugna han ils aderents da la separaziun da la Spagna gudagnà las elecziuns parlamentaras. L'allianza «Junts per Sí» (communablamain per in gea) dal schef da la regenza catalana Artur Mas gudogna 62 dals 135 sezs. La partida da sanestra da separatists vegn sin 10 sezs.

bandiera catalugna, sdrimas mellen e cotschnas, ina staila alva sin funs blau
Legenda: La bandiera da la Catalugna. Forsa sgulatscha ella bainbaud sin territori independent da la Spagna. Reuters

Ensemen cuntanschan las duas partidas la maioritad absoluta en il parlament catalan. Tenor l'opiniun da la regenza centrala a Madrid na saja il plan dals separatists betg grategià: Cun radund 48% hajan els manchentà la maioritad da las vuschs.

En cas d'ina victoria aveva Mas empermess che la Catalugna sa separeschia dal rest da la Spagna aifer 18 mais. Per la regenza centrala a Madrid è quest plan dentant cunter la constituziun.

RR novitads 06:00