Siglir tar il cuntegn
Inhalt

Exteriur Separatists en l'ost da l'Ucraina annunzian armistizi unilateral

Suenter l'inscunter dals ministers da l'exteriur davart la crisa en l'Ucraina han ils separatists annunzià ina pausa da cumbat unilaterala. Da lur vart regia ruaus, ha ditg in pledader.

Plirs separatists che sesan sin in char armà.
Legenda: Il mument taschan las armas dals separatists sustegnids da la Russia. Keystone

Els reageschan uschia sin l’appel dals ministers da l'exteriur da la Russia, l'Ucraina, la Germania e la Frantscha da sa tegnair vid l’armistizi fixà en la cunvegna da Minsk. En ina decleraziun communabla avevan quels decis ulteriurs pass per in process da pasch. Latiers tutgia er la retratga dad ulteriuras armas grevas.

RR novitads 10:00