Siglir tar il cuntegn

Header

Navigaziun

Explosiun en la citad ucranaisa Debalzewe.
Legenda: Ils separatists vulan avair sut controlla 80% da la citad strategicamain impurtanta Debalzewe. Keystone
cuntegn

Exteriur Separatists annunzian conquista parziala da Debalzewe

Dapi dumengia vala en l’Ucraina uffizialmain in armistizi. Ussa ha quai per l’emprima giada dà cumbats sin via tranter l’armada ucranaisa ed ils separatists pro-russ en la citad strategicamain impurtanta Debalzewe, quai han confermà represchentants dad omaduas varts.

Ils separatists pro russ discurran d’avair sut controlla enfin 80% da la citad. Sco quai ch’il pledader dals separatists ha ditg sajan sulet anc singuls quartiers betg dal tut sut lur controlla.

Passa 300 schuldads arrestads e blers morts

Passa 300 schuldads sajan vegnids arrestads. I dettia blers morts, uschia il pledader. Els controlleschian la citad suenter ulteriurs schuldads. La regenza a Kiew ha medemamain rapportà da cumbats sin via vehements a Debalzewe. Millis da schuldads duain esser circumdads en la citad.

RR novitads 15:00