Siglir tar il cuntegn

Header

Navigaziun

cuntegn

Exteriur Sentenzia da mort per Badie

En l'Egipta ha ina dretgira confermà la sentenzia da mort cunter il manader da la fraternitad muslima Mohammed Badie e 13 ulteriurs commembers dal moviment scumandà, quai rapporta la televisiun statala.

Mohammed Badie en la sala da dretgira
Legenda: Mohammed Badie en la sala da dretgira a Cairo. Reuters

23 ulteriurs frars muslims èn vegnids sentenziads a praschun per vita duranta. Ad els vegn rinfatschà d'avair planisà la cupitgada da l'anteriur president Mohammed Mursi il 2013 e d'avair destabilisà il pajais.

La dretgira ha cunquai confermà las sentenzias correspundentas da mez mars. Quellas pon anc vegnir contestadas da la dretgira suprema en l'Egipta.

RR novitads 14:00