Siglir tar il cuntegn

Exteriur Senatur american accusà pervi da corrupziun

Al senatur dal stadi da New Jersey, Robert Menendez vegn accusà pervi da corrupziun e pervi da faussa perditga, quai ha ina pledadra da la giustia dals Stadis Unids ditg. Avant l’accusaziun ha la giustia investigà varga dus onns.

politicher american Robert Menendez stat avant in microfon, chavels grischs ed egliers
Legenda: Il senatur democratic da New Jersey, Robert Menendez. Keystone

Menendez, ch'è collega da partida dal president american Barack Obama, vala era sco in dals critichers da la politica da l' exteriur d'Obama. A Menendez vegn rinfatschà ch’el haja promovì ils interess da fatschentas d’in ami e donatur da la partida democratica.
Il senatur haja sco cuntraprestaziun survegni plirs regals d'in autezza da prest in milliun dollars. Menendez ha refusà tuttas reproschas.