Segunda runda d’elecziuns

En Frantscha ha cumenzà la segunda runda da las elecziuns dals departaments. Radund 42 milliuns franzos èn clamads a l'urna.

Marine Le Pen

Legenda da maletgs: Il Front National dretg-extrem da Marine Le Pen dastgass per l'emprima giada cuntanscher la maioritad en in departament. Reuters

La victoria dal champ conservativ-burgais UMP enturn l'anteriur president Nicolas Sarkozy è tant sco segira. Enfin ussa tegnian ils Conservativs 40 dals bun 100 departaments. Las prognosas sa basan sin ils buns resultats da l’UMP tar l'emprim scrutini.

Als Socialists dal president François Hollande però smanatscha in'ulteriura schleppa. Il Front National dretg-extrem da Marine Le Pen dastgass per l'emprima giada cuntanscher la maioritad en in departament.

RR novitads 10:00