Siglir tar il cuntegn

Header

cuntegn

Exteriur Scumond da sortir pervi dad Ebola

En il stadi vest african Sierra Leone ha cumenzà in scumond da sortir che dura 3 dis per pudair far frunt a l’epidemia d’Ebola.

Dapi l’emna passada hai dà 55 cas novs d’Ebola. Sco che las agenturas scrivan, haja la regenza dal Sierra Leone scumandà als 6 milliuns abitants da sortir enfin la dumengia. En quest temp duajan uffizials ir dad isch tar isch per pudair rimnar infurmaziuns sur da cas d'infecziun u da mortoris, han communitgà las autoritads.

Il Sierra Leone è ferm pertutgà dal virus d'Ebola, en tut han ins annunzià passa 11’888 cas ed il dumber d'infecziuns novas n'è era betg sa sminuì. Sin l’entir mund èn mortas, tenor indicaziuns da l’Organisaziun mundiala da la sanadad WHO, ils ultims 16 mais passa 10’300 persunas tras Ebola.

RR novitads 11:00

Artitgels legids il pli savens