Siglir tar il cuntegn
Inhalt

Exteriur Scumond da sortir a Baltimore

Suenter gronds excess da violenza e spogliaziun en la citad da Baltimore en l'ost dals Stadis Unids da l’America, ha la burgamestra da Baltimore decidì in scumond da sortir per la notg. Quel duai valair in’emna.

Bajetg en flommas. Davantiers è la polizia.
Legenda: Plirs bajetgs a Baltimore èn vegnids mess en flommas. Keystone

Sco medias localas rapportan sajan plirs bajetgs vegnids mess en flommas, negozis sajan vegnids spogliads e tenor las autoritads sajan numerus policists vegnids blessads.

Proclamà stadi d'urgenza

Il guvernatur dal stadi federativ da Maryland ha ultra da quai appellà la garda naziunala da procurar per segirtad en la citad. Era ha el proclamà il stadi d’urgenza.

La violenza aveva cumenzà suenter la mort d’in um nair ch’è vegni sepulì ier. L'um era mort tras la violenza da la polizia.

RR novitads 07:00