II schurnalist russ Arkadi Babtschenko è vegnì sajettà giu en sia abitaziun en la chapitala da la Ucraina Kiew. L’assasinat stettia cartaivlamain en connex cun sia lavur, ha declerà la polizia.
Babtschenko era in criticher dal president russ Wladimir Putin e reporter da guerra. Il schurnalist da 41 onns ha bandunà sia patria l'entschatta dal 2017, perquai ch’i vegniva smanatschà ad el. Avant che prender dimora a Kiew, ha el l'emprim abità a Prag. Il davos ha Babtschenko lavurà per l'emettur privat da l'Ucraina ATR.
Il terz schurnalist ch'è vegnì assassinà a Kiew
Igl è gia il terz schurnalist ch’è vegnì assassinà a Kiew ils davos quatter onns. Il 2016 è il schurnalist russ Pawel Scheremet – medemamain in criticher da la regenza a Moscau – vegnì mazzà d'ina bumba en in auto. Ed il 2015 è il schurnalist ucranais Oleg Busina vegnì assassinà. Nagin da quests cas n'è sclerì fin uss.
RR novitads 06:00