Siglir tar il cuntegn

Exteriur Schlià la dispita - VW po puspè producir

Il concern d'autos tudestg Volkswagen VW ed ils dus furniturs han chattà ina schliaziun. Suenter in maraton da contractivas èn las partidas sa cunvegnidas cun las firmas da la gruppa Prevent da terminar la bloccada da furniziun. Tenor in pledader da VW furneschian las duas interpresas en curt puspè.

tschiel cun nivels, chasa cun in grond logo da VW
Legenda: Ils nivels da dispita sa schlian, VW po puspè producir cun tutta forza. Keystone

Era las duas interpresas furnituras Car Trim ed ES Automobilguss han confermà la cunvegna. Davart il cuntegn da la cunvegnientscha na vegn tradì nagut.

Las firmas avevan rinfatschà a VW d'avair malduvrà sia pussanza. Il concern haja refusà da pajar indemnisaziuns.
Pervi da la dispsita avevan passa 27'000 collavuraturs betg pudì lavurar sco planisà. Tranter auter era vegnida franada la producziun dal VW Golf.

RR novitads 14:00