Siglir tar il cuntegn

Header

Navigaziun

Sarkozy al pult dad oratur.
Legenda: Nicolas Sarkozy ha concedì sia terrada tar la pre-elecziun dals conservativs per la candidatura dal presidi franzos. Keystone
cuntegn

Exteriur Schleppa per Sarkozy

La cursa per il candidat conservativ per il presidi franzos vegn fatga tranter ils anteriurs prim-ministers Fillion e Juppé. L’anteriur president Nicolas Sarkozy è crudà or da la cursa. Sarkozy ha concedì sia terrada tar la pre-elecziun dals conservativs per la candidatura dal presidi franzos.

Suenter che prest tut ils circuls electorals èn dumbrads ora vegn François Fillion sin bun 44% da las vusch, Alain Juppé sin in zic dapli che 28,6%. Cun 20,6% vegn Sarkozy terz ed è uschia or da la cursa. Fillon e Juppé van en l'elecziun decisiva da lur partida, ch'è dumengia che vegn.

L’elecziun decisiva per il presidi franzos è il matg 2017. Tenor retschertgas vegn ella decidida tranter il candidat conservativ e Marine Le Pen da la partida extrema da dretga, il Front National.

La partida dal president actual François Hollande, ils socialists, sa dispita e vegn a rivar tenor l’agentura da novitads svizra sda gia en l’emprima runda l’avrigl 2017 en las stretgas.

RR novitads 06:00