Schleppa per Morales

L’opposiziun en Bolivia ha gì success en las elecziuns regiunalas cunter la partida socialista MAS dal president Evo Morales.

il president bolivian Evo Morales

Legenda da maletgs: Nagut da rir per il president bolivian Evo Morales. Reuters

Tenor ils emprims resultats, sto la partida socialista MAS tranter auter dar giu il post da guvernatur en il departament La Paz. Er il presidi da la citad n'ha la partida da Morales betg pudì reconquistar dals conservativs.

Tuttina resta la partida MAS la pli ferma forza politica suenter las elecziuns. Ella ha gudagnà las elecziuns en 6 da 9 departaments ed è la victura en 60% da las citads e vischnancas bolivianas. 6 milliuns burgais eran clamads a l’urna per eleger radund 5000 novs represchentants locals e regiunals.

RR novitads 9:00