Schelira extrema en il nord da l'Ollanda

L'institut meteorologic ha proclamà il pli aut stgalim d'alarm, «code cotschen» en trais provinzas.

Collonas d'autos sin autostrada en il nord da l'Ollanda.

Legenda da maletgs: Plievgia da glatsch e glieschezza extrema han procurà per caos sin las vias en il nord da l'Ollanda. Keystone

Trens e bus èn crudads ora e scolas èn restadas serradas. Ins ha appellà als burgais da laschar star lur autos en garascha.

Gia la notg passada aveva plievgia da glatsch e glischezza extrema chaschunà tozzels accidents.

Las regiuns nua ch'il «code cotschen» vala, èn:

  • Drenthe (cunfinescha cun la Germania)
  • Groningen (cunfinescha cun la Germania)
  • il nord-vest da la Frisia

RR novitads 10:00