Siglir tar il cuntegn

Header

cuntegn

Exteriur Schef militar dal SI è mort

Funtaunas che stan datiers al SI han confermà ch'il schef militar dals dschihadists, Omar al-Schischani, è mort.

Il ministeri da defensiun american aveva gia declerà il mars passà che Al-Schischani saja mort e quai d'ina attatga ord l'aria en la Siria.

Ils Stadis Unids avevan scrit ora ina premia da chau da 5 milliuns dollars sin il tschetschen Tarkan Batiraschwili (40) alias Omar Al-Schischani. Tenor il Pentagon saja l’um cun la barba cotschna stada ina da las figuras centralas en il cader dal SI.

La versiun dal SI è che Al-Schischani saja crudà en il cumbat cunter l'armada iracaisa cun defender la citad da Mossul. Mossul vegn tegnì dal SI, mo forzas da cumbat iracaisas emprovan dapi mais da reconquistar la citad.

RR novitads 06:00

Artitgels legids il pli savens