Siglir tar il cuntegn
cuntegn

Exteriur Schef dal SI è mort - forsa

Abu Bakr al-Baghdadi, il manader da l’organisaziun terroristica Stadi Islamic, è forsa mort tar in’attatga or da l’aria en Siria. Quai ha communitgà il ministeri da la defensiun russ.

Quel che duaj esser al-Baghdadi en ina moschea.
Legenda: Quest pudess esser Al-Baghdadi – sche la fotografia publitagada il 2014 mussa propi il schef dal SI n'è vetg verifitgà independentamain. Keystone

Tar attatgas or da l’aria datiers la citad siriana da Rakka èn morts passa 300 cumbattants ils 28 da matg – tranter els forsa era al-Baghdadi. Ins saja vidlonder da verifitgar quai. Per il mument na datti nagina conferma independenta.

Il manader dal SI è gia vegnì declerà pliras giadas sco mort. L’ultima giada la dumengia passada en la televisiun statala siriana. Là haja gì num ch’al-Baghdadi saja mort ils 10 da zercladur.

RR novitads 11:00