Siglir tar il cuntegn
Inhalt

Exteriur Schef da VW sa retira

Il schef dal concern d'autos Volkswagen, Martin Winterkorn, sa retira. Quai ha il pli grond producent d'autos da l'Europa communitgà a Wolfsburg.

Martin Winterkorn
Legenda: Martin Winterkorn (68) aveva midà l'onn 2007 davent d'Audi a la testa a Wolfsburg. Keystone

Winterkorn, ch'ha 68 onns, tira las consequenzas ord il scandal da valurs da svapur manipuladas da VW en ils Stadis Unids da l'America.

Sco Winterkorn ha ditg saja el consternà che fallaments d'ina tala dimensiun sajan stads pussaivels en il concern da VW. Sco schef surpiglia el la responsabladad per las malregularitads en connex cun motors da diesel tar VW, uschia Winterkorn vinavant.

Bainprest in successur per Winterkorn

Ils proxims dis vul il concern tudestg preschentar in successur. Las propostas per in nov schef da VW duain esser sin maisa fin venderdi, uschia èsi vegnì annunzià da la centrala a Wolfsburg.

RR novitads 18:00 / 20:00