Siglir tar il cuntegn

Exteriur Scandal tar il FBI

Experts da la Polizia federala americana FBI han furnì decennis a la lunga faussas analisas da la tecnica criminala, quai rapporta la «Washington Post» e discurra d'in dals pli gronds scandals forensics en ils Stadis Unids.

2 agents dal FBI da davostiers.
Legenda: Il FBI ha furnì decennis a la lunga faussas infurmaziuns. Reuters

Tenor il rapport hajan passa 95% dals prest 270 cas intercurids demussà che las analisas sajan stadas manglusas. Dals process pertutgads hai era dà sentenzias da mort. 3 persunas sajan gia executadas. Il ministeri da giustia ed il FBI hajan concedì sbagls.

RR novitads 6:00